கரூர் மாவட்டம், கிருஷ்ணராயபுரம் வட்டம், பஞ்சப்பட்டி கிராமத்தில் ஆதிதிராவிடர் தெரு எதிரில் அரசு டாஸ்மாக் கடை அமைக்கப்பட்டுள்ளது. இந்த மதுபானக்கடைக்கு மது அருந்த வரும் மதுப்பிரியர்கள் போதை தலைக்கேறிய பிறகு ஆபாசமாக பேசுவதாலும், பெண்களை கேலி செய்வதாலும் இந்த காடையை கடந்து செல்லும் பெண்கள், பள்ளி மாணவ-மாணவிகள் பெரிதும் அவதிப்பட்டு வருகின்றனர். எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.