திருவள்ளூர் மாவட்டம் எல்லாபுரம் அத்தங்கி காவனூர் கிராமத்தில் ஒன்றிய நடுநிலைப் பள்ளி செயல்பட்டு வருகிறது. 1 முதல் 8 ஆம் வகுப்பு வரை சுமார் 90 மாணவ மாணவிகள் கல்வி பயின்று வருகிறார்கள். இந்த பள்ளியில் பழுதடைந்த கட்டிடங்கள் சில மாதங்களுக்கு முன்பு இடிக்கப்பட்டது. ஆனால் புதிய கட்டிடங்கள் கட்டப்படாததால் பள்ளியில் உள்ள அனைத்து மாணவ மாணவிகளையும் ஒரே கட்டிடத்தில் அமர வைத்து பாடம் எடுக்கும் சூழலுக்கு ஆசிரியர்கள் தள்ளப்பட்டுள்ளார்கள். எனவே மாணவ மாணவிகளின் நலன் கருதி இந்த பள்ளிக்கு புதிய கட்டிடங்கள் கட்டி தர வேண்டும் என கேட்டுக்கொள்கிறோம்.