செஞ்சி அருகே மேல்சேவூரில் அரசு உயர்நிலை பள்ளி உள்ளது. இந்த பள்ளியை சுற்றி சுற்றுச்சுவர் கட்டப்படவில்லை. இதனால் இரவு நேரங்களில் அப்பகுதியை சேர்ந்த சமூக விரோதிகள் சிலர் பள்ளியை மது குடிக்கும் பாராக மாற்றி வருகின்றனர். மேலும் காலி மது பாட்டில்களை அங்கேயே உடைத்து வீசிவிட்டு செல்வதால் மாணவர்கள் சிரமம் அடைந்து வருகின்றனர். இதை தவிர்க்க பள்ளியில் சுற்றுச் சுவர் அமைக்க வேண்டியது அவசியம்.