நெல்லை மாவட்டம் ஏர்வாடி அருகே உள்ள புலியூர்குறிச்சி தேவனார்குளம் மூலம் 200 ஏக்கர் விளைநிலங்கள் பாசன வசதி பெற்று வருகின்றன. இந்த குளத்திற்கு இறையடிக்கால் வழியாக தண்ணீர் வருகிறது. அந்த குளத்தில் இருந்து விளைநிலங்களுக்கு தண்ணீர் திறந்து விட 2 மடைகள் உள்ளன. அந்த மடைகள் கட்டப்பட்டு பல ஆண்டுகள் ஆவதால், அவை பராமரிப்பு இன்றி பழுதடைந்த நிலையில் உள்ளன. இதனால் விளைநிலங்களுக்கு தண்ணீர் பாய்ச்சுவதில் சிக்கல் ஏற்படுகிறது. எனவே, அந்த 2 மடைகளையும் சீரமைக்க அதிகாரிகள் உடனடியாக நடவடிக்கை எடுக்க வேண்டும்.