கரூர் மாவட்டத்தில் கரூருக்கு அடுத்தபடியாக வளர்ந்துவரும் நகரான குளித்தலையின் சுற்றுவட்டாரத்தில் 300-க்கும் மேற்பட்ட கிராமங்கள் உள்ளன. இந்நிலையில் கரும்பு, நெல், வாழை உள்ளிட்ட தோட்டங்களிலும், கிராம மற்றும் நகர்ப்புறங்களில் உள்ள கூரை வீடுகள், கடைகள், வணிக வளாகங்கள் ஆகியவற்றிலும் திடீரென தீ விபத்து ஏற்படும் போது, திருச்சி மாவட்டம் முசிறியில் உள்ள தீயணைப்பு நிலையத்துக்கு தான் தகவல் தெரிவிக்க வேண்டிய நிலை உள்ளது. குளித்தலை சுற்றுவட்டார பகுதிகளில் ஏற்படும் தீயை அணைக்க, திருச்சி மாவட்டம், முசிறி தீயணைப்பு துறையினரை எதிர்பார்த்து காத்திருக்க வேண்டிய நிலை உள்ளது. எனவே குளித்தலையில் தீயணைப்பு நிலையம் அமைக்க சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.