விழுப்புரம் ஆசிரியர் நகர் பகுதியில் உள்ள குடியிருப்புகளை சுற்றிலும் பன்றிகள் கூட்டம், கூட்டமாக மேய்ந்து வருகின்றன. அப்பகுதியில் கழிவுநீர் வாய்க்கால் வசதி இல்லாததால் அங்குள்ள காலிமனைகளில் ஆங்காங்கே தேங்கி நிற்கும் கழிவுநீரில் பன்றிகள் கூட்டம் புரண்டு எழுவதால் சுகாதார சீர்கேடு ஏற்படுகிறது. இதனால் அப்பகுதி மக்களுக்கு பலவித தொற்றுநோய் பரவும் அபாயம் உள்ளது. எனவே இந்த பன்றிகளை பிடித்து அப்புறப்படுத்த நகராட்சி நிர்வாகம் உரிய நடவடிக்கை எடுக்க வேண்டுமென அப்பகுதி மக்கள் கோரிக்கை விடுத்துள்ளனர்.