அரசு கல்லூரி அமைக்கப்படுமா?

செங்கோட்டை சுற்றுவட்டார பகுதிகளில் ஏராளமான மக்கள் வசித்து வருகிறார்கள். இந்த பகுதியில் உள்ள மாணவ-மாணவிகள் அரசு கல்லூரியில் படிக்க வேண்டும் என்றால் சுமார் 17 கிலோ மீட்டர் தொலைவில் உள்ள கடையநல்லூருக்கும், 26 கிலோ மீட்டர் தொலைவில் உள்ள சுரண்டை அரசு கல்லூரிக்கும் தான் செல்ல வேண்டி இருக்கிறது. இவை தொலைவில் உள்ளதால் மாணவ-மாணவிகள் கடும் அவதிப்படுகிறார்கள். எனவே மாணவர்கள் நலன் கருதி செங்கோட்டையில் அரசு கல்லூரி அமைத்தால் நன்றாக இருக்கும். இதற்கு அதிகாரிகள் நடவடிக்கை எடுக்க கேட்டுக் கொள்கிறேன்.