நாகை வெளிப்பாளையம் காளியம்மன் கோவில் தெருவில் கடந்த சில மாதங்களாக தெரு நாய்களின் தொல்லை அதிகரித்துள்ளது. தெரு நாய்கள் மோட்டார்சைக்கிளில் செல்வோரை துரத்துகிறது. இதனால் இரவு நேரத்தில் வாகனங்களில் செல்ல முடியவில்லை. இரவு நேரத்தில் சுற்றித்திரியும் தெரு நாய்கள் கால்நடைகளை கடித்து குதறுகின்றன. இதனால் பொதுமக்கள் பாதிக்கப்பட்டு வருகின்றனர். எனவே சம்பந்தப்பட்ட அதிகாரிகள் நாய்களை பிடிக்க உரிய நடவடிக்கை எடுக்க வேண்டும் என்று அப்பகுதி மக்கள் கோரிக்கை விடுத்துள்ளனர்.