பெங்களூரு ராஜாஜிநகர் 6-வது பிளாக் குப்பண்ணா எஸ்டேட் பகுதியில் ஒரு தனியார் பள்ளி உள்ளது. அந்த பள்ளியின் முன்பு ஓடும் பாதாள சாக்கடை மூடி உடைந்து கிடந்தது. இதனால் கழிவுநீர் வெளியேறி சாலையில் வழிந்தோடியது. இதுபற்றி தினந்தந்தியின் புகார் பெட்டியில் கடந்த 17-ந் தேதி செய்தி பிரசுரிக்கப்பட்டு இருந்தது.
இந்த செய்தியை கவனத்தில் எடுத்து கொண்ட அதிகாரிகள் பாதாள சாக்கடைக்கு புதிதாக மூடி போட்டு உள்ளனர். இதனால் கழிவுநீர் வெளியேறுவது நிறுத்தப்பட்டு உள்ளது. செய்தி பிரசுரம் செய்த தினந்தந்திக்கும், நடவடிக்கை எடுத்த அதிகாரிகளுக்கும் நன்றி.