பெண்ணாடம் அடுத்த பெ.பொன்னேரியில் உள்ள விஜயமாநகரில் மின்கம்பம் பலத்த சேதமடைந்து இப்ப விழுமோ...எப்ப விழுமோ... நிலையில் உள்ளது. மின்கம்பத்தின் மேற்பகுதியில் அதிக அளவில் விரிசல் ஏற்பட்டுள்ளது. இதனால் மின்கம்பம் அதன் உறுதித்தன்மையை இழந்து வருகிறது. இதன் காரணமாக எப்போது வேண்டுமானாலும் மின்கம்பம் விழுந்து விபத்து ஏற்படும் அபாயம் உள்ளதால், அப்பகுதி மக்கள் அச்சப்படுகின்றனர். எனவே சேதமடைந்த மின்கம்பத்தை அப்புறப்படுத்தி விட்டு, புதிதாக அமைக்க வேண்டும்.