திருவள்ளூர் மாவட்டம், மாத்தூா் எம்.எம்.டி.ஏ. சாலை ரேஷன் கடை எதிரில் உள்ள மின்மாற்றியில் செடி, கொடிகள் வளர்ந்திருந்தது. இதுகுறித்து 'தினத்தந்தி' புகார் பெட்டியில் செய்தி வெளியானதும் சம்பந்தப்பட்ட மின்வாரிய அதிகாரிகள் உடனடி நடவடிக்கை எடுத்து மின்மாற்றியில் உள்ள செடி,கொடிகளை அகற்றினர். உடனடியாக நடவடிக்கை எடுத்த அதிகாரிகளுக்கும், துணை நின்ற ‘தினத்தந்தி‘-க்கும் அப்பகுதி பொதுமக்கள் பாராட்டை தெரிவித்துள்ளனர்.