சங்கராபுரத்தில் உள்ள கால்நடை ஆஸ்பத்திரி அருகே ஊராட்சி ஒன்றிய தொடக்கப்பள்ளி செயல்பட்டு வருகிறது. இப்பள்ளியின் மேல் கட்டிடத்தில் வட்டார வளமைய அலுவலகம் இயங்கி வருகிறது. இக்கட்டிடத்தில் உள்ள ஜன்னல் கதவு சேதம் அடைந்து விழும் நிலையில் இருந்தது. இதுகுறித்த செய்தி படத்துடன் தினத்தந்தி புகார்பெட்டியில் வெளியானது. இதையடுத்து அதிகாரிகள் அந்த ஜன்னல் கதவை சீரமைத்து நடவடிக்கை மேற்கொண்டனர். இதில் மகிழ்ச்சி அடைந்த பொதுமக்கள் தினத்தந்திக்கு நன்றி தெரிவித்தனர்.