மொடக்குறிச்சி ஒன்றியம் லக்காபுரம் நால்ரோடு பகுதியில் பஸ் நிறுத்தம் உள்ளது. இந்த பஸ் நிறுத்தத்தில் இருந்து தினமு ஏராளமான பயணிகள் பஸ்சில் ஏறி ஈரோடு, வெள்ளக்கோவில், சிவகரி, மொடக்குறிச்சி உள்பட பல்வேறு பகுதிகளுக்கு சென்று வருகிறார்கள். இதனால் இந்த பஸ் நிறுத்தத்தில் ஏராளமான பயணிகள் பஸ்சுக்காக காத்திருப்பார்கள். ஆனால் பயணிகள் காத்திருப்பதற்கு நிழற்குடை வசதி இல்லை. இதனால் பயணிகள் மழையில் நனைந்தும், வெயிலில் காய்ந்தும் அவதிப்படுகிறர்கள். எனவே பயணிகளின் நலன் கருதி லக்காபுரம் நால்ரோடு பகுதியில் நிழற்குடை அமைக்க அதிகாரிகள் நடவடிக்கை எடுக்க வேண்டும்.