பெரம்பலூர் மாவட்டம், அரணாரையில் ஊராட்சி ஒன்றிய நடுநிலைப்பள்ளி 2 ஓட்டு கட்டிடங்களில் செயல்பட்டு வருகிறது. இந்த பள்ளியில் 1-ம் வகுப்பு முதல் 8-ம் வகுப்பு வரை ஏராளமான மாணவ-மாணவிகள் படித்து வருகின்றனர். இந்த பள்ளியின் 2 ஒட்டு கட்டிடங்கள் உடைந்து காணப்படுகிறது. மேலும் ஜன்னல், கதவுகள் வலுவிழந்து உள்ளது. இதனால் பள்ளியில் படிக்கும் மாணவ-மாணவிகள் அச்சத்துடனே சென்று வருகின்றனர். எனவே பள்ளிக்கு புதிய கட்டிடம் கட்டி தர சம்பந்தப்பட்ட கல்வித்துறை அதிகாரிகள் நடவடிக்கை எடுக்க வேண்டும் என அப்பகுதி பொதுமக்கள், பெற்றோர்கள் கோரிக்கை விடுத்துள்ளனர்.