திருச்சி மாவட்டம், மணப்பாறை வட்டம், வையம்பட்டி ஒன்றியம், தவளை வீரம் பட்டியில் பள்ளி மாணவ-மாணவிகள் செல்லும் வழியில் அரசு டாஸ்மாக் கடை செயல்பட்டு வருகிறது. இந்த கடையில் இருந்து மது பாட்டில்களை வாங்கி வரும் மது பிரியர்கள் சாலை ஓரத்திலேயே அமர்ந்து மது அருந்தி வருகின்றனர். இதனால் மாணவ-மாணவிகளுக்கு பாதுகாப்பாற்ற நிலை ஏற்பட்டுள்ளது. மேலும் சட்ட விரோத செயல்கள் நடக்க அதிக வாய்ப்பு உள்ளது. எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுத்து டாஸ்மாக் கடையை இடமாற்றம் செய்ய வேண்டும் என கேட்டுக்கொள்கிறோம்.