திருச்சி மாவட்டம், மணப்பாறை வட்டம், மலையடிப்பட்டி கிராமம் ஆவாரம்பட்டியில் உள்ள எம்.ஜி.ஆர். சத்துணவு மையத்தின் (பால்வாடி) பின்பக்கம் உள்ள தென்னை மர மட்டை கடந்த சில நாட்களுக்கு முன்பு சத்துணவு மைய கட்டிட மேற்கூரையின் மீது விழுந்தது. இதில் சிமெண்டு ஓடு உடைந்து ஓட்டை விழுந்துள்ளது. இதனால் மழைபெய்யும்போது சத்துணவு மையத்தில் மழைநீர் ஒழும் நிலை ஏற்பட்டுள்ளது. மேலும் குழந்தைகள் நடமாட்டத்தின்போது மீண்டும் தேங்காய், தென்னை மட்டைகள் ஓட்டின் மீது விழுந்தால் குழந்தைகள் காயம் அடைய அதிக வாய்ப்பு உள்ளது. எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.