நெல்லையை அடுத்த பேட்டை ம.தி.தா. இந்து கல்லூரி அருகில் உள்ள அப்துல் லத்தீப் நகர், செந்தமிழ் நகர், அண்ணாமலை நகர், சாதலி நகர் பகுதிகளில் புதிய தார் சாலை அமைப்பதற்காக, ஜல்லி கற்களை சாலையில் பரப்பினர். ஆனால் 3 மாதங்களுக்கு மேலாகியும் சாலை பணியை நிறைவு செய்யாததால் பொதுமக்கள் பெரிதும் அவதிப்படுகின்றனர். எனவே சாலை அமைக்கும் பணிகளை விரைந்து நிறைவேற்றுவதற்கு அதிகாரிகள் ஏற்பாடு செய்ய வேண்டுகிறேன்.