சேலம்- கரூர் தேசிய நெடுஞ்சாலையில் மூலிமங்கலம் பிரிவு எதிரே உள்ள டாஸ்மார்க் கடை அருகே தேசிய நெடுஞ்சாலை ஓரத்தில் இப்பகுதியில் செயல்பட்டு வரும் வாத்து கறிக்கோழி கடைகள் மற்றும் கோழிக் கடைகளில் உள்ள கழிவுகளையும், மருத்துவ கழிவுகளையும் மூட்டை மூட்டையாக போட்டு வருகின்றனர். மேலும் பிளாஸ்டிக் கழிவுகளையும் கொட்டி வருகின்றனர். இதனால் மருத்துவ மற்றும் கோழி கழிவுகளில் இருந்து துர்நாற்றம் ஏற்பட்டு வாகன ஓட்டிகள் அவதிப்பட்டு சென்று வருகின்றனர். இதுகுறித்து தேசிய நெடுஞ்சாலை துறை அதிகாரிகள் விரைந்து நடவடிக்கை எடுத்து தேசிய நெடுஞ்சாலை ஓரத்தில் கொட்டப்பட்டு வரும் கழிவுகளை அகற்றி கொட்டுபவர்கள் மீது கடும் நடவடிக்கை எடுக்க வேண்டும் என கேட்டுக்கொள்கிறோம்.