நாமக்கல்-துறையூர் சாலையில் இருந்து கொசவம்பட்டி ஏரி கரை வழியாக ரெயில் நிலையத்திற்கு இணைப்பு சாலை ஒன்று உள்ளது. இந்த சாலையின் ஓரமாக இருபுறமும் பொதுமக்கள் பல்வேறு கழிவுகளை கொட்டி செல்கிறார்கள். இதனால் அப்பகுதியில் சுகாதார சீர்கேடு ஏற்பட்டு உள்ளது. துர்நாற்றம் வீசுவதால், அப்பகுதி வழியாக இருசக்கர வாகனங்களில் செல்வோர் மூக்கை பிடித்து கொண்டு செல்லும் நிலை உள்ளது. எனவே சம்பந்தப்பட்ட அதிகாரிகள் கழிவுகள் கொட்டாமல் தடுக்க உரிய நடவடிக்கை எடுக்க வேண்டும்.