உப்பிலியபுரம் ஒன்றியம், வைரிசெட்டிப்பாளையத்தில் சனிக்கிழமைதோறும் வாரச்சந்தை நடைபெற்று வருகிறது. இந்தநிலையில் வாரச்சந்தை வளாகத்தில் ஒரு புளியமரம் கடந்த சில நாட்களுக்கு முன்பு அகற்றப்பட்டது. இதனால் அந்த இடத்தில் பெரிய பள்ளம் ஏற்பட்டுள்ளது. ஆனால் அந்த பள்ளத்தினை உடனடியாக மூடப்படாமல் அப்படியே உள்ளது. தற்போது மழைக்காலம் என்பதால் பள்ளத்தில் தண்ணீர் தேங்கி நிற்க அதிகவாய்ப்பு உள்ளது. எனவே சம்பந்தப்பட்ட அதிகாரிகள் உடனடியாக அந்த பள்ளத்தை மூட நடவடிக்கை எடுக்க வேண்டும் என அப்பகுதி பொதுமக்கள், சமூக ஆர்வலர்கள் கோரிக்கை விடுத்துள்ளனர்.