திருச்சி மாவட்டம், தொட்டியம் வட்டம், அரியனாம்பேட்டை கிராமத்தில் அரசு ஆதிதிராவிடர் நல உயர்நிலைப்பள்ளி உள்ளது. இப்பள்ளிக்கு மிக அருகில் உள்ள மேல்நிலை நீர்த்தேக்க தொட்டி சிதிலமடைந்து மிகவும் ஆபத்தான நிலையில் உள்ளது. பொதுமக்கள் மற்றும் பள்ளி மாணவ-மாணவிகள் நடமாட்டத்தின் போது இந்த நீர்த்தேக்க தொட்டி இடிந்து விழுந்தால் உயிரிழப்புகள் ஏற்பட அதிக வாய்ப்பு உள்ளது. எனவே இது குறித்து சம்பந்தப்பட்ட அதிகாரிகள் விரைந்து நடவடிக்கை எடுத்து ஆபத்தான மேல்நிலை நீர்த்தேக்க தொட்டியை இடித்து அப்புறப்படுத்த வேண்டும் என கேட்டுக்கொள்கிறோம்.