பெரம்பலூர் வட்டம், குரும்பலூர் பேரூராட்சிக்கு உட்பட்ட பாளையம் கிராமத்தில் குறிப்பாக ஆண்டியான் குட்டை என்ற பகுதியில் தெருநாய்கள் அதிக அளவில் சுற்றித்திரிகின்றன. இவை இந்த வழியாக செல்லும் இருசக்கர வாகன ஓட்டிகளையும், பள்ளி செல்லும் மாணவ-மாணவிகளையும் கடிக்க துரத்துகிறது. இதனால் அவர்கள் நிலைதடுமாறி கீழே விழுந்து காயம் அடைந்து வருகின்றனர். மேலும் ஆடு, கோழி உள்ளிட்ட கால்நடைகளையும் கடித்து குதறுகின்றன. எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.