திருவாரூர் கடைவீதி பகுதியில் தரைக்கடை வியாபாரிகள் அதிகளவில் கடை வைத்துள்ளனர். இந்த பகுதியில் கால்நடைகள் அதிகளவில் சுற்றிதிரிகின்றன. இவை தரைக்கடையில் உள்ள பொருட்களை சேதபடுத்துகின்றன. காய்கறி கடைகளில் உள்ள காய்கறிகளையும் தின்றுவிடுகின்றன. இதன்காரணமாக அந்த பகுதியில் உள்ள வியாபாரிகள் மிகுந்த சிரமத்துக்குள்ளாகி வருகின்றனர். எனவே, சம்பந்தப்பட்ட அதிகாரிகள் மேற்கண்ட பகுதியில் சுற்றித்திரியும் கால்நடைகளை பிடித்து செல்ல நடவடிக்கை எடுப்பார்களா?