நாகை மாவட்டம் குத்தாலம்-நரிமடம் சாலை பகுதியில் போக்குவரத்துக்கு இடையூறாக நாய்கள் கூட்டமாக சுற்றித்திரிகின்றன. இவை அந்த வழியாக செல்லும் பொதுமக்களை துரத்தி சென்று கடிக்கின்றன. மேலும், வாகனங்களை விரட்டி செல்வதால் வாகன ஓட்டிகள் நிலை தடுமாறி விழுந்து விபத்தில் சிக்கிக்கொள்கின்றனர். அதுமட்டுமின்றி சாலையில் அங்கும், இங்கும் சுற்றிதிரியும் நாய்களால் வாகன ஓட்டிகள் மிகுந்த சிரமத்துக்குள்ளாகி வருகின்றனர். எனவே, சம்பந்தப்பட்ட அதிகாரிகள் மேற்கண்ட பகுதியில் சுற்றிதிரியும் நாய்களை பிடித்து செல்ல நடவடிக்கை எடுப்பார்களா?