நாகை மாவட்டம் ஆழியூர் பஸ் நிலையத்தில் பயணிகள் வசதிக்காக கழிவறைகள் கட்டிடம் கட்டப்பட்டுள்ளது. இந்த கழிவறைகள் தற்போது வரை பயணிகள் பயன்பாட்டுக்கு வரவில்லை. இதன்காரணமாக பஸ் நிலையத்துக்கு வரும் பெண்கள், முதியவர்கள் மற்றும் பயணிகள் மிகுந்த சிரமத்துக்குள்ளாகி வருகின்றனர். எனவே, சம்பந்தப்பட்ட அதிகாரிகள் பயணிகளின் நலன் கருதி கழிவறை கட்டிடத்தை செயல்பாட்டுக்கு கொண்டு வர நடவடிக்கை எடுக்க வேண்டும் என்பதே பொதுமக்களின் கோரிக்கை ஆகும்.