முக்கூடலில் இருந்து ஓ.துலுக்கப்பட்டி, கீழ பாப்பாக்குடி, பா.இலந்தைகுளம் வழியாக ஆலங்குளத்துக்கு இயக்கப்பட்ட அரசு டவுன் பஸ்கள் (வழித்தட எண்:- 21சி, 4டி) கடந்த சில நாட்களாக சரிவர இயக்கப்படவில்லை. ஞாயிற்றுக்கிழமைதோறும் டவுன் பஸ்கள் முற்றிலுமாக வருவதில்லை. இதனால் கிராம மக்கள் பெரிதும் அவதிப்படுகின்றனர். எனவே பஸ்களை தினமும் முறையாக இயக்குவதற்கு அதிகாரிகள் நடவடிக்கை மேற்கொள்ள வேண்டுகிறேன்.