திருவாரூர் ரெயில் நிலையம் நுழைவு வாயில், இருப்பு பாதை போலீஸ் நிலையம் அருகே உள்ள பகுதியில் நாய்கள் அதிகளவில் சுற்றித்திரிகின்றன. இவை ரெயில் நிலையத்துக்கு வரும் பயணிகளை அவ்வபோது விரட்டி சென்று கடிக்கின்றன. இதன்காரணமாக ரெயில் நிலையத்துக்கு பயணிகள் அச்சத்துடன் வந்து செல்கின்றனர். எனவே, பயணிகளின் நலன் கருதி மேற்கண்ட பகுதியில் சுற்றித்திரியும் நாய்களை பிடித்து செல்ல சம்பந்தப்பட்ட அதிகாரிகள் நடவடிக்கை எடுக்க வேண்டும் என பொதுமக்கள் கோரிக்கைவிடுத்துள்ளனர்.