தேனியில் பொதுமக்களை அச்சுறுத்தும் வகையில் மோட்டார் சைக்கிளில் அதிவேகமாகவும், சாகசம் செய்தபடியும் இளைஞர்கள் சாலையில் செல்கின்றனர். குறிப்பாக புதிய பஸ் நிலைய சாலை, சிவாஜிநகர், கே.ஆர்.நகர், சமதர்மபுரம், மதுரை சாலை உள்ளிட்ட பகுதிகளில் மாலை நேரங்களில் இளைஞர்கள் மோட்டார் சைக்கிளில் சாகசம் செய்தபடி பயணிக்கின்றனர். இதனால் அந்த வழியாக செல்லும் பொதுமக்கள் அவதியடைந்து வருகின்றனர். எனவே போலீசார் ரோந்து பணியில் ஈடுபட்டு, சாகச பயணம் செய்யும் இளைஞர்களை கண்டிக்க வேண்டும்.