அரியலூர் மாவட்டம், விக்கிரமங்கலம் அருகே உள்ள கீழநத்தம் கிராமத்தில் விவசாயம் முக்கிய தொழிலாக செய்யப்பட்டு வருகிறது. இங்கு 100-க்கும் மேற்பட்ட ஏக்கரில் நஞ்சை நெல் விவசாயம் செய்யப்பட்டு வருகிறது. இதற்கு முக்கிய ஆதாரமாக விளங்கும் ஆரியான் ஏரி ஆழப்படுத்தப்படாமல் பல ஆண்டுகளாக உள்ளது. இதனால் விவசாயத்திற்கு போதிய மழைநீரை தேக்கி வைக்க முடியவில்லை. இதனால் ஒவ்வொரு ஆண்டும் விவசாயம் பாதிக்கப்படுகிறது. எனவே இக்கிராமத்தில் உள்ள ஆரியான் ஏரியை சம்பந்தப்பட்ட அதிகாரிகள் தூர்வாரி ஆழப்படுத்த வேண்டுமென கேட்டுக் கொள்கிறோம்.