மயிலாடுதுறை மாவட்டம் குத்தாலம் தாசில்தார் அலுவலகம் அருகே வருவாய் ஆய்வாளர் அலுவலகம் உள்ளது. இந்த அலுவலகம் கட்டப்பட்டு பல ஆண்டுகள் ஆகிறது. தற்போது இந்த கட்டிடம் பராமரிப்பின்றி சேதமடைந்து காணப்படுகிறது. மேலும் அதில் உள்ள சிமெண்டு காரைகள் பெயர்ந்து அதில் உள்ள கம்பிகள் வெளியே தெரிகின்றன. மேலும் அலுவலகத்தின் மேற்கூரையில் புற்கள், செடிகள் வளர்ந்து காணப்படுகிறது. தாசில்தார் அலுவலகத்திற்கு தினமும் ஏராளமானோர் வந்து செல்லும் நிலையில் ஆபத்தான நிலையில் உள்ள வருவாய் ஆய்வாளர் அலுவலகத்தால் விபத்து ஏதும் ஏற்படுமோ? என்று பொதுமக்கள் அச்சம் தெரிவிக்கின்றனர். எனவே சம்பந்தப்பட்ட அதிகாரிகள் உரிய நடவடிக்கை எடுத்து வருவாய் ஆய்வாளர் அலுவலகம் கட்டிடத்தை இடித்து விட்டு புதிய கட்டவேண்டும்.