விக்கிரவாண்டி தாலுகா கண்டமங்கலம் ஒன்றியத்திற்குட்பட்ட கொடுக்கூர் கிராமத்தில் ஆதிதிராவிட நடுநிலைப்பள்ளி உள்ளது. இப்பள்ளி கட்டிடம் பலத்த சேதமடைந்து இப்ப விழுமோ எப்ப விழுமோ என்ற நிலையில் உள்ளது. தற்போது பருவமழை பெய்து வரும் நிலையில் கட்டிடத்தின் ஒரு பகுதி இடிந்து விழுந்துள்ளது. இதனால் மாணவர்கள் பெரும் அச்சத்துடனேயே பள்ளிக்கு சென்று வருகின்றனர். இதுகுறித்து அதிகாரிகளிடம் புகார் அளித்தும் எந்தவித நடவடிக்கையும் இல்லை. எனவே அசம்பாவிதம் நிகழும் முன் சேதமடைந்த பள்ளி கட்டிடத்தை இடித்து அகற்றிவிட்டு புதிய கட்டிடம் கட்டித்தர சம்பந்தப்பட்ட துறை அதிகாரிகள் நடவடிக்கை எடுக்க வேண்டும்.