திருவாரூர் மாவட்டம், கூத்தாநல்லூர் தாலுகா, வடபாதிமங்கலம் பகுதிகளில், கடந்த சில ஆண்டுகளாக பன்றிகள் அதிகளவில் சுற்றி திரிகின்றன. இந்த பன்றிகள் வீடுகளில் உள்ள தோட்டங்கள் மற்றும் விவசாய பயிர்களை சேதப்படுத்தி வருகின்றன. மேலும் குளம், குட்டைகளில் உள்ள தண்ணீர் மற்றும் பொது இடங்களை அசுத்தப்படுத்துகின்றன.இதன்காரணமாக, சுகாதார சீர்கேடு ஏற்பட்டு, நோய் பரவும் அபாயம் உள்ளது. இதனால் அங்கு வசிக்கும் மக்கள் அச்சத்துடன் வாழ்ந்து வருகின்றனர். எனவே சம்பந்தப்பட்ட அதிகாரிகள் நடவடிக்கை எடுத்து வடபாதிமங்கலம் பகுதியில் சுற்றித்திரியும் பன்றிகளை பிடித்து அப்புறப்படுத்த நடவடிக்கை எடுக்க வேண்டும்.