பெரம்பலூர் மாவட்டம், ஆலத்தூர் மேற்கு ஒன்றியத்தைச் சேர்ந்த பழைய விராலிப்பட்டி கிராமத்தில் அமைக்கப்பட்டுள்ள மயான கொட்டகையின் மேற்கூரை சிதிலமடைந்தும், சுற்றுச்சுவர் இடிந்தும் காணப்படுகிறது. மேலும் இந்த மயானத்திற்கு செல்லும் பாதையில் மின்விளக்குகள் அமைக்கப்படாமல் உள்ளதால் மாலை நேரங்களில் இறந்தவர்களின் உடல்களை எடுத்துச்செல்ல பெரிதும் சிரமம் ஏற்படுகிறது. எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.