கூத்தாநல்லூர் தாலுகா, பாரதிமூலங்குடி சாலையில் தினமும் ஏராளமான வாகனங்கள் சென்று வருகின்றன. ஆனால் அந்த சாலையில் வேகத்தடைகள் இல்லை. இதனால் வாகனங்கள் வேகமாக சென்றுவருகின்றன. இதன்காரணமாக அந்த வழியாக செல்லும் சிறுவர்கள், அச்சத்துடன் சென்று வருகின்றனர். மேலும் அந்த சாலையில் ஏராளமான வளைவுகள் உள்ளன. இதனால் அடிக்கடி விபத்துகள் ஏற்படுகின்றன. எனவே சம்பந்தப்பட்ட அதிகாரிகள் உரிய நடவடிக்கை எடுத்து தேவையான இடங்களில் வேகத்தடை அமைக்க வேண்டும் என்று பொது மக்கள் கோரிக்கை விடுத்துள்ளனர்.