கரூர் மாவட்டம், நொய்யல் குறுக்கு சாலையில் பரமத்தி வேலூர் செல்லும் பிரிவு சாலை அருகே பயணிகளின் நலன் கருதி பயனியர் நிழற்குடை கட்டப்பட்டது. ஆனால் பஸ் நிறுத்தத்தில் இருந்து சற்று தொலைவில் கட்டப்பட்டதால் அங்கு பஸ்கள் நிற்பதில்லை. இதனால் பஸ்களுக்கு செல்லும் பயணிகள் பஸ் நிற்கும் இடத்திற்கே சென்று பயணித்து வருகின்றனர். இதனால் இந்த பயணிகள் நிழற்குடையை மதுப்பிரியர்கள் மது அருந்த பயன்படுத்தி வருகின்றனர். இந்நிலையில் அந்த வழியாக இரவு நேரங்களில் பெண்கள் நடமாட முடியாத சூழ்நிலை ஏற்பட்டது. எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.