சேரன்மாதேவி தாலுகா வேலியார்குளம், திருவிருத்தான்புள்ளி ஆகிய ஊர்களுக்கு சில நாட்களாக குடிநீர் வரவில்லை என்றும், இதனால் பொதுமக்கள் அவதிப்படுவதாகவும் வேலியார்குளத்தை சேர்ந்த செல்வராஜ் 'தினத்தந்தி' புகார் பெட்டிக்கு அனுப்பிய பதிவு செய்தியாக பிரசுரமானது. இதன் எதிரொலியாக தற்போது அந்த ஊர்களுக்கு மீண்டும் குடிநீர் வினியோகம் செய்ய அதிகாரிகள் நடவடிக்கை எடுத்து உள்ளனர். கோரிக்கை நிறைவேற உறுதுணையாக இருந்த 'தினத்தந்தி'க்கும், நடவடிக்கை எடுத்த அதிகாரிகளுக்கும் அவர் நன்றியும், பாராட்டும் தெரிவித்து உள்ளார்.