நெல்லை மாவட்டம் களக்காடு புதிய பஸ் நிலையம் சுகாதாரம் இன்றியும், முறையான பராமரிப்பு இன்றியும் காட்சி அளிக்கிறது. பஸ் நிலையத்தில் போடப்பட்டு இருக்கும் இருக்கைகள் துருப்பிடித்தும், உடைந்தும் கிடக்கின்றன. இதனால் இருக்கையில் உட்காருவோர் துணிகள் கிழிந்து விடுகிறது. மேலும், பஸ் நிற்கும் இடத்துக்கும், பஸ் நிலையத்துக்கும் இடையே சாக்கடை கால்வாய் உள்ளது. இதனை கடந்தே பஸ்சில் ஏறுவதற்கு பயணிகள் செல்கிறார்கள். இதனால் மூத்த குடிமக்கள், குழந்தைகள், மாற்றுத்திறனாளிகள் கடும் சிரமத்தை சந்திக்க நேரிடுகிறது. எனவே, சம்பந்தப்பட்ட அதிகாரிகள் நடவடிக்கை எடுத்து பஸ் நிலையத்தை மேம்படுத்த வேண்டும்.