கூத்தாநல்லூர் தாலுகா, பனங்காட்டாங்குடி பகுதியில் பயணிகள் நிழற்குடை இருந்தது. சேதமடைந்து ஆபத்தான நிலையில் இருந்த அந்த நிழற்குடையை பொதுமக்கள் பயன்படுத்த முடியாதநிலையில் இருந்தது. இதனால் பயணிகள் நிழற்குடை அருகே நின்று கொண்டு பஸ் ஏறிவந்தனர். இந்த நிலையில் கடந்த சில மாதங்களுக்கு முன்பு சேதமடைந்து நிழற்குடை இடிக்கப்பட்டது.ஆனால் அந்த இடத்தில் புதிய நிழற்குடை அமைக்கப்படவில்லை. இதனால் அந்த பகுதி மக்கள் மிகவும் சிரமப்பட்டு வருகின்றனர். எனவே சம்பந்தப்பட்ட அதிகாரிகள் உரிய நடவடிக்கை எடுக்க வேண்டும் பொதுமக்கள் கோரிக்கைவிடுத்துள்ளனர்.