பாதுகாப்பற்ற நிலையில் பள்ளி மாணவிகள்

பெரம்பலூர் மாவட்டம், குன்னம் வட்டம், வேப்பூர் அரசு மேல்நிலைப் பள்ளியில் சிறப்பு வகுப்பு என கூறி மாலை 5:30 மணி அளவில் விடுவதால் மாணவிகள் பஸ் வசதி இல்லாத காரணத்தால் வீட்டிற்கு 7:30 மணி அளவில் வருகிறார்கள் என்று தொடர்ந்து புகார் அளித்து வருகிறார்கள் பெற்றோர்கள். ஆனால் பள்ளி அதனை ஏற்றுக்கொள்ளவில்லை. பெற்றோர்கள் கேட்டுக்கொள்வது என்னவென்றால் காலையில் எவ்வளவு நேரம் ஆனாலும் வகுப்புக்கு அனுப்புகிறோம். ஆனால் மாலையில் விடுவதால் மாணவிகளுக்கு பாதுகாப்பு அற்ற நிலை ஏற்பட்டுள்ளது. எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.