கிருஷ்ணகிரி நகரில் 20 க்கும் மேற்பட்ட ஏ.டி.எம். மையங்கள் உள்ளன. இந்த ஏ.டி.எம். மையங்களில் பெரும்பாலானவை சனி மற்றும் ஞாயிற்றுக்கிழமைகளில் செயல்படுவதில்லை. குறிப்பாக ஏ.டி.எம். எந்திரத்தில் பணம் இல்லை என்ற தகவல் எந்திரத்தில் காணப்படுகிறது. தொடர் விடுமுறை நாட்களிலும் இந்த பிரச்சினை உள்ளது. அதேபோல பெரும்பாலான ஏ.டி.எம். மையங்களில் உள்ள குப்பைகள் பல மாதமாக அள்ளப்படாமல் மிகவும் மோசமாக உள்ளது. எனவே நகரில் உள்ள அனைத்து எந்திரங்களையும் அதன் மையத்தையும் சுத்தமாக வைத்துக்கொள்ள அதிகாரிகள் நடவடிக்கை எடுக்க வேண்டும். மேலும் ஏ.டி.எம். எந்திரத்தில் தேவையான அளவு பணம் நிரப்பி வைக்க அதிகாரிகள் உரிய நடவடிக்கை எடுக்க வேண்டும்.