தஞ்சை மாவட்டம் பூதலூர் ஒன்றியம் கோவிலடி கிராமத்தில் அங்கன்வாடி மையம் உள்ளது. இந்த அங்கன்வாடி மையம் முறையான பராமரிப்பின்றி காணப்படுகிறது. இதன்காரணமாக அங்கன்வாடி கட்டிடத்தை சுற்றி செடி,கொடிகள் வளர்ந்துள்ளன. இவற்றில் இருந்து விஷப்பூச்சிகள் வெளியேறி அடிக்கடி அங்கன்வாடிக்குள் புகுந்துவிடுகின்றன. இதனால் பெற்றோர்கள் குழந்தைகளை அங்கன்வாடி மையத்தில் அச்சத்துடன் விட்டுசெல்கின்றனர். எனவே, சம்பந்தப்பட்ட அதிகாரிகள் மேற்கண்ட பகுதியில் உள்ள அங்கன்வாடியை முறையாக பராமரிக்க நடவடிக்கை எடுப்பார்களா?