தஞ்சை மாவட்டம் திருவையாறு தாலுகா வெள்ளாம்பெரம்பூர் கிராமத்தில் கூட்டுறவு அங்காடி உள்ளது. இந்த அங்காடி கட்டிடம் முறையான பராமரிப்பின்றி காணப்பட்டது. இதனால் கட்டிடத்தில் சிமெண்டு காரைகள் பெயர்ந்து இரும்பு கம்பிகள் வெளியே தெரிந்தன. இந்த நிலையில் கடந்த சில மாதங்களாக கூட்டுறவு அங்காடி செயல்படாமல் உள்ளது. இதன்காரணமாக அந்த பகுதி மக்கள் மிகுந்த சிரமத்துக்குள்ளாகின்றனர். எனவே, சம்பந்தப்பட்ட அதிகாரிகள் மேற்கண்ட பகுதியில் உள்ள கூட்டுறவு அங்காடியை சீரமைத்து செயல்பாட்டுக்கு கொண்டு வர நடவடிக்கை எடுப்பார்களா?