கிருஷ்ணகிரி நகராட்சிக்கு உட்பட்ட பெரிய மாரியம்மன் கோவில் தெரு, சென்னை சாலை உள்ளிட்ட பகுதிகளில் தெருநாய்கள் தொல்லை மிக அதிகமாக உள்ளது. கூட்டம் கூட்டமாக சுற்றித்திரியும் தெருநாய்கள் சாலைகளில் வாகனங்களின் குறுக்கே பாய்ந்து விபத்துகளை ஏற்படுத்துகின்றன. இதனால் பலரும் காயம் அடைகிறார்கள். மேலும் தெருநாய்கடியால் பலரும் பாதிக்கப்படுகிறார்கள். தெருநாய்கள் தொல்லையை கட்டுப்படுத்தவும், சாலைகளில் சுற்றித் திரியும் தெருநாய்களை பிடித்து வெறிநாய் தடுப்பூசி போடவும் அதிகாரிகள் உரிய நடவடிக்கை எடுக்க வேண்டும்.