வடமதுரையில் ஏ.வி.பட்டி செல்லும் சாலை அருகே 2 டாஸ்மாக் மதுபான கடைகள் செயல்படுகின்றன. இங்கு வரும் மதுபிரியர்கள் மதுபாட்டில்களை வாங்கிச் சென்று சாலையோரம் அமர்ந்து குடிக்கின்றனர். இதனால் அந்த சாலையில் செல்லும் பள்ளி மாணவர்களும், பெண்களும் முகம் சுழித்தபடி செல்லும் அவல நிலை உள்ளது. எனவே ஏ.வி.பட்டி சாலையில் பொது இடத்தில் அமர்ந்து மது அருந்தும் மதுபிரியர்கள் மீது போலீசார் உரிய நடவடிக்கை எடுக்க வேண்டும்.