செங்கல்பட்டு மாவட்டம், தாம்பரம் மாநகராட்சிக்கு உட்பட்ட பாரதிநகர் பிரதான சாலையில் அமைக்கப்பட்டுள்ள மழைநீர் வடிகாலில், குப்பைகள் மலைபோல் குவிந்து கிடக்கின்றன. இது வடிகாலில் தண்ணீர் செல்ல வழியின்றி முற்றிலும் அடைபட்டுள்ளது. இதன் காரணமாக, அப்பகுதி முழுவதும் கடுமையான துர்நாற்றம் வீசி வருகிறது. மேலும், கொசுக்கள் உற்பத்தியாகி டெங்கு போன்ற நோய்த்தொற்று ஏற்படும் அபாயமும் நிலவுகிறது. எனவே, மழைநீர் வடிகாலைத் தூய்மைப்படுத்த மாநகராட்சி அதிகாரிகள் உரிய நடவடிக்கை எடுக்க வேண்டும் என அப்பகுதி மக்கள் கோரிக்கை விடுத்துள்ளனர்.