வேடசந்தூர் தாலுகா கல்வார்பட்டி பகுதியில் வைக்கப்பட்டுள்ள குப்பை தொட்டிகள் சேதமடைந்த நிலையில் உள்ளன. இதனால் வீடுகளில் தேங்கும் குப்பைகளை சிலர் சாலையில் வீசிச்செல்கின்றனர். இதனால் அப்பகுதி முழுவதும் துர்நாற்றம் வீசுவதுடன் சுகாதாரக்கேடும் ஏற்படுகிறது. எனவே சேதமடைந்த குப்பை தொட்டிகளை அகற்றிவிட்டு புதிய குப்பை தொட்டிகளை வைக்க நடவடிக்கை எடுப்பதுடன், சாலையில் தேங்கி கிடக்கும் குப்பைகளையும் அகற்ற வேண்டும்.