சென்னை கொளத்தூர், பெரியார் நகர் ஜெகநாதன் சாலையில் குப்பைகள் கொட்டப்படுகிறது. இங்குள்ள காலி இடத்தில் குப்பைகள் கொட்டப்படுவதாலும், பல்வேறு இடங்களில் ஆங்காங்கே குப்பைகள் சேகரிக்கப்பட்டு வைத்திருப்பதாலும் பயங்கர துர்நாற்றம் வீசுவதுடன், கொசு தொல்லையும் அதிகரித்துள்ளது. மழை காலங்களில் நிலை இன்னும் மோசமாகி விடுகிறது. இதுபோன்ற காலி இடங்களில் கொட்டப்படும் குப்பைகளை மாநகராட்சி அதிகாரிகள் சரிவர அகற்றுவதில்லை. எனவே, மாநகராட்சி அதிகாரிகள் குப்பைகளை அகற்றுவதுடன் இந்த பகுதியில் குப்பை தொட்டிகள் அமைக்க நடவடிக்கை எடுக்க வேண்டும்.