சென்னை கொடுங்கையூர், திருவள்ளுவர் பிரதான சாலையில் உள்ள மாநகராட்சி பூங்கா அருகே மின்மாற்றி மற்றும் மின் இணைப்பு பெட்டி உள்ளது. இந்த நிலையில், அந்த பகுதியில் சேகரிக்கப்படும் குப்பைகளை மாநகராட்சி ஊழியர்கள் மின்மாற்றி அருகில் கொண்டு கொட்டுகின்றனர். மின்மாற்றி அருகில் குப்பைகள் கொட்டுவதால் விபத்து ஏற்படும் அபாயம் உள்ளது.மேலும், மின்மாற்றியில் ஏதேனும் கோளாறு ஏற்பட்டால் மின்வாரிய ஊழியர்கள் மின்மாற்றியில் பழுது நீக்குவதற்கு சிரமப்படுகின்றனர். எனவே, மாநகராட்சி அதிகாரிகள் மின்மாற்றி அருகில் குப்பைகளை கொட்டுவதை தடுக்க நடவடிக்கை எடுக்க வேண்டும்.