பெங்களூரு கப்பன்பேட்டை பகுதியில் சாலையின் ஓரங்களில் அந்த பகுதியினர் குப்பை கழிவுகளை வீசி செல்கின்றனர். இதனால் தற்போது அந்த பகுதியில் குப்பை கழிவுகள் மலைப்போல் குவிய தொடங்கி உள்ளது. இதனால் அங்கு பயங்கர துர்நாற்றம் வீசுவதுடன் சுகாதார சீர்கேடு ஏற்பட்டு வருகிறது. மேலும் ஆடு, மாடுகள், நாய்கள் குப்பை கழிவுகளை கிளறி சாலையில் இழுத்து போட்டு விடுகின்றன. இதனால்வாகன ஓட்டிகளுக்கு இடையூறு ஏற்படுகிறது. இதுகுறித்து மாநகராட்சி அதிகாரிகளிடம் தகவல் அளித்தும் எந்த பயனும் இல்லை. எனவே சம்பந்தப்பட்ட அதிகாரிகள் அங்கு குவிந்துள்ள குப்பை கழிவுகளை அகற்ற வேண்டும்.