கோவை கணபதி கட்டபொம்மன் நகரில் பொதுமக்கள் குப்பைகளை கொட்ட சாலையோரத்தில் குப்பை தொட்டிகள் வைக்கப்பட்டு உள்ளன. ஆனால் சிலர் தொட்டிகளில் குப்பைகளை கொட்டாமல், வெளியே கொட்டி செல்கின்றனர். இதனால் அங்கு சுகாதார சீர்கேடு ஏற்பட்டு உள்ளது. மேலும் கடும் துர்நாற்றம் வீசுகிறது. இதன் காரணமாக அந்த வழியாக செல்லும் பொதுமக்கள் மற்றும் வாகன ஓட்டிகள் முகம் சுழிக்கும் நிலை உள்ளது. எனவே குப்பைகளை தொட்டியில் போட அறிவுறுத்த வேண்டும். மேலும் அங்கு குவிந்து கிடக்கும் குப்பைகளை அகற்ற வேண்டும்.